Nimina a Central YMA thuneitu sang CEC thukhawm chuan Chapchar Kut la hman leh zelna turah sawrkarin sum ruahmanna fel fai tak siamin budget-ah dah tura sawrkar ngen nise an ti. Meeting chuan Mizoram bukna leh tehna hrang hrang diklo hluar ta zel tirem turin Legal Metrology Deptt-ah ngen nise, BPL leh Scholarship dik taka hman a nih theih nan Central YMA-in hma lak tha an ti a, Mizo thalaite tana Career Guidance zirtirna chak zawka hma lak a nih theih nan School Education Department leh Higher Technical Education Deptt.-ah thlen nise an ti bawk. Central YMA chuan Mizote Kut ropui ber Chapchar Kut 2015 hlawhtling taka hman a nih avangin lawmawm an ti a. Chapchar Kut hlawhtlinna tura theihtawp chhuah a, hun leh tha, sum leh pai senga hma latu Mizoram sawrrkar, Mizo Merchant Association, Zoram Driver Union, Zoram Taxi Owners Association, Zoram Taxi Drivers Association, Aizawl City Bus Owners Association, Mizoram Road Transport Union, Mizoram Maxi Cab Owners Association, Aizawl Thunders, Mizoram Florist Association, MHIP, MUP, MCO, MZI, Mizoram Photographer Society-te chungah lawmthu an sawi.