ZALEN, May 30, 2026: LBS Suzuki 6th Inter YMA Branch Table Tennis Tournament-ah Mission Vêngthlang Branch YMA chu mipa team champion an ni a, hmeichhiaah Vaivakawn Branch YMA an champion ve thung.

Central YMA leh Mizoram Table Tennis Association (MTTA) buatsaih inelna hi Thawhlehni atang khan MTTA Hall, Mission Vengah khelh niin Zirtawpni zan khan zawh a ni.

Inelna ngaihven hlawh ber, mipa maltanah Mizo player hriat hlawh ber pakhat, Jeho Himnakulhpuingheta, Chawngte ‘P’ Branch a champion a. Final-ah H. Lalruatsanga, Mission Venthlang chu 4-1-in a hneh a. A zawnin a champion zawn ta a ni.

Hmeichhe maltanah Caroline Malsawmkimi, Lungdai chuan Lalmuanzeli, Vaivakawn chu 4-1-a hnehin champion no mawi a la ve bawk.

Kumin Inter-Branch YMA Table Tennis Tournament hi a tum rukna a ni a, branch 52 atangin player 253 an tel thei a ni.

Tournament-a tel branch zawng zawngte hian suahdur leh bawngtuthlawh an dawng vek a ni. 

Result kimchang:

Men’s Single Champion - Jeho Himnakulhpuingheta, Chawngte ‘P’

Men’s Single Runners Up - H. Lalruatsanga, Mission Vengthlang 

Women’s Single Champion - Caroline Malsawmkimi, Lungdai

Women’s Single Runners Up - Lalmuanzeli, Vaivakawn

Men’s team final -

Mission Vengthlang 3 - 2 Mission Veng

Women’s Team

Vaivakawn 3 - 0 Bethlehem Vengthlang