Aizawl: Ni 3 awh tur North Eastern Region YMCA bultuma Regional Women’s Assembly chu vawiin hian a tiak dawn a ni. Assembly kaihruaitu Chairman, NEIR YMCA leh E&F Minister ni bawk Lalrinmawia Ralte chuan, "Kohhran leh pawl hrang hrangte taima taka an thawh thinna Mizoram chhungah hian thalaite tana khawvel zau zawka rawngbawlna ngaihtuahpui leh hemi atana inbuatsaih hi Aizawl YMCA chuan a tum ber a ni," a ti. NEIR Chairman chuan India hmarchhaka YMCA intelkhawm chuan ram chhung hmun dangte leh khawvel huap pawha huhang a neih zel theihna tura hmeichhiate rawngbawlna a pawimawhzia sawiin, nasa leh zuala tan la turin kalkhawmte a fuih bawk. Assembly hawnna khawm hi Mizoram Sub-Region Chairman Zoliana Royte chuan kaihruaiin, thupui atan Ephesi 2:10 ‘Hands to Work, Hearts to God’ an hmang a. He thupui behchhan hian National YMCA hnuaia Women’s Empowerment & Gender Concerns Committee member Rini Tochhawng chuan thu a sawi bawk. He hun hmang tur hian NE India atangin palai thahnem tawk tak an kal a ni.