Aizawl: Nimin khan Young Mens Christian Association, Aizawl te chuan Engineering Officers Club, Babutlang ah annual general conference vawi 26-na an hmang. YMCA Aizawl khawmpui hi an pawl President PC Zoram Sangliana chuan a kaihruai a, YMCA chu khawvel ram pangngai deuhah chuan din a ni deuh vek niin a sawi a. Mizoram ah pawh kum 1930 velah sap missionary ten an din nia sawiin mahse hun rei vaklo ah a zuihral tih a sawi a. Kum 1981 ah din thar leh niin Rev.Dr. Lalngurauva Ralte chu President hmasa ber a ni tih a sawi a. Aizawl YMCA hruaitute chuan national leh hmarchhak huapah te nihna pawimawh hrang hrang an lo chelh tawh tih sawiin Pu J.Lalsangzuala (Ex Minister) chu national president nihna hial a chelh tih a sawi bawk. Kum 2014 atangin YMCA annual member fee chu Rs 100 atangin 500 leh life member fee pawh Rs. 2000 atangin Rs. 5000 ah tihsan a ni. Aizawl YMCA khawmpui ah hian general secretary Er. K.Lalsawmvela report ngaihthlak a niin hmalak zel dan tur an sawiho a, chawhnu lamah hruaitu thar an thlang nghal.