Yoo Seung-ho hi August 17, 1993 khan a piang a, South Korean lemchangthiam niin, naupang a nih laia, The Way Home (2002) a chan atanga lar tan tawh a ni. Hemi hnu hian TV series bakah film pangai-ah naupang leh tleirawl angin a chang chho a ni.

Sipai a kum hnih a tan hnuah, 2015 khan dan(law) lam pang drama Remember-ah a chang a, hemi kum vek hian hmanlai chanchin behchhana siam Joseon Magician leh Seondal : The Man Who Sell the River (2016) chu a chang zui leh a, 2017-ah historical drama The Emperor : Owner of the Mask chu a chang leh a, hemi kum vel hian raomance comedy I'm Not a Robot chu chang lehin 2018 khan SBS high school drama My Strange Hero a chang chu a larpui hle.

Incheon a piang leh seilian niin, Yoo hi unau pahniha naupang zawk a ni a, tun hnua a sawi danin an chhungkua hi an rethei thin hle a ni awm e. Baekshin High School atangin 2012 khan a graduate a, lemchan lama kal a thlan zawk avangin college degree a nei ta lo a ni.

Yoo hian 2000 khan kum 7 mi lek niin TV series Daddy Fish-ah bual a tan. Film pangngai a chan hmasakber The Way Home chu a larpui nghal hle. Sum tam tham lo taka siam film hi rin loh takin box office-ah a hit hle a, 'Nations Little Brother' tiin a hming lem an phuah sak hial a ni. 2006 khan mipa naupang pakhat leh a uih hmangaih tak chanchin behchhan siam Hearty Raws-ah a chang leh a, hei pawh hi a hlawhtling hle, 2008 khan thingtlang naupang lemah Unforgettable film-ah a inlan bawk.

TV series hit tak taka a inlan zui a, 2021, Yoo hian KBS2 historical drama Moonshine chu a larpui hle a, hei hi serial film lama a inlan hnuhnung ber a ni rih. March 2022 khan Yoo hian agency thar YG Entertainment a zawm a ni.