Official music video tihchhuah hma hauh atangin social media lamah a lar a, ni thum chhung leka million view a kai pawh hi a mak lo. Young Fella leh Mary Dawngi te hla hit 'Duhaisam' chuan vawi maktaduai khat chuang ngaihthlak a hlawh der mai! 

'Duhaisam' official music video hi January 13, 2024 (Inrinni) zan khan tihchhuah a ni a, upload atanga chhiar chuan vawiin January 17,2024 (Nilaini dar 11:00am) hi a ni nga-na chiah a ni. Darkar zawnga chut erawh chuan darkar 90 vel a liam tawh a, chu chu ni thum leh darkar 16 vel a ni. Million view nei tur hian ni thum leh darkar 16 vel chauh an mamawh tihna a ni a, Mizo zinga million view nei rang ber an ni hial mai thei! 

He hla hi Young Fella phuah a ni a, music hi Smiley kut chhuak a ni. Tun lai zaithiam lar pahnih Young Fella leh Mary Dawngi ten an sa chiah chu rin phak bakin a rawn hit a ni.