ZALEN May 16, 2026 : Mizoram Police te chuan YouTube-a mipat-hmeichhiatna lam hawi thawnthu ngialngan tak, Mizo ṭawnga chhiar chhuahna video upload ṭhin YouTube channel neitu mi pahnih an man.

Mizoram Police te chuan YouTube channel thenkhatah mipat-hmeichhiatna lam hawi thawnthu ngialngan tak tak chhiar chhuah thin a nih thu an dawng a, Cyber Crime Police Station chuan a chhuizui nghal a. YouTube channel pahnih ,NGAITHLASUHPUITLINGHUANG (PUITLUNG HUANG)” leh “puitlinghuangzz (NAUPANGTIAMLOH)” te chuan Mizo tawngin hetiang thawnthu phuahchawp chhiar chhuahna video tam tak an upload tih hmuhchhuah a ni.

Cyber Crime Police te chuan NGAITHLASUHPUITLINGHUANG channel neitu Henry Lalrinpuia (29), Hunthar, Aizawlchu ni 15 khan an man a, puitlinghuangzz channel neitu Vanlalhmangaihzuala (35), Chaltui, Phuldungsei chu Ni 16.05.2026 khan an man bawk a ni

Mi pahnihte lakah hian IT Act leh BNS tlawhchhanin thubuai, case no. 16/26 dt. 26.04.2026 ziah luh a ni.

Mizoram Police chuan, social media leh online platform hrang hrangah mipat hmeichhiatna lam hawi thlalak, video leh thawnthu te thehdarh khap a ni a, chutiang tite chu na taka hrem theih a nih thu an tarlang.