ZALEN August 28, 2025: BJP Mizoram chuan vawiin khan Aizawl Police Station ah K&L Production youtube channel in, BJP diklo taka puhna Post a siam chungchangah Aizawl Police Station-ah FIR theh luh niin, a tul anga hma min laksak turin an ngen a ni.

BJP Mizoram chuan K&L Production youtube channel in Central BJP chungchang thudiklo hmanga thu diklo sawiin, "Central Sawrkar a kehchhe mek, India ram-in harsatna lian tak a tawk mauh mai," tih thupui hmanga an thusawi hi, thubelhchian dawl lo, mipui hruaisual thei thu an puangchhuak hi a pawi an ti a, BJP Mizoram chuan hetiang a mipui rilru hruaidik lo thei tur post hi awm tawh lo se tih hi an duhdan a nih thu an sawi.

Politics kan khel anih pawh in thudik leh belhchian dawl hmang chauh a Politics khel tur leh Ram hmasawnna leh mipui awlsamna tur ngaihtuahna nen a Ram rawngbawlhna a intihsiakna tha bei mai turin BJP Mizoram chuan Party dang te pawh kan chah bawk a ni.