Zaithiam Lalhmangaiha kum 31 chu vawiin  khan an chenna Zemabawk-ah vui liam a ni. Hmangaiha hi April 6, Ningani khan Kolasib-ah accident (tui tla) avangin a boral a, nizan khan tlaivarpui niin vawiin khan vui liam a ni. 

Mizo Zaimi Inzawmkhawm (MZI) leh People United in Music with a Purpose (PUMB) member ni bawk Hmangaiha hi zaithiam lar tak tia sawi tur ni lo mah se hriat hlawh ve tak a ni a, sulhnu pawh a ngah hman hle. MZI leh PUMP lamah a thawh hlawk hle a, a vuina hunah pawh hian MZI chuan a pualin hla an rem nghe nghe a ni. 

Music video pawh eng emaw zat a lo siam tawh a, Khawvel hrehawm i tan, Lungduhte lenna tih leh hla dang thahnem tak a lo sa tawh a ni. Shalom Ministry-ah member tangkai tak a ni bawk.