'Hallelujah Chorus' thiam taka satu Lalfakkimi (Mafaki) chu kum 34 mi niin vawiin April 16, 2023 Pathianni khan a thi. Mafaki hi Republic Hmar Vêng, T. Romana College bulah amahin in a luah a, an kaihthawh mai theih loh avangin YMA hruaituten a kawngkhar an tichhia a, thiin an hmu ta a ni. 

Mafaki hi a țhenawm te hian a zîng tho an hmu mai lo a, a thawm a reh zui em avangin a chhûng te an hrilh. A chhûng te hian an phone a, a chhang ta si lo a, an ngaih țha lo chuan YMA hruaitute hi an pun ta a ni. Kawngka an hawn hian khumah thiin an va hmu a, a taksa pawh a lo khawng tawh niin an sawi. A thih hun hi chiang taka hriat theih a ni lo a, a taks a khawng tawh avangin a thih hun hi zan emaw zing lam a nih a rinawm. 

Mafaki hi Tlangsang, Tripura khua a ni a, an khuaah hian a ruang hi an phur thla dawn a ni. A chhûngte chuan tun hma lamin a taksa hrisel lohna a neih loh thu an sawi a, BP sang erawh a nei niin an sawi. Mafaki hi Lalthanliana (L) leh Ramdinfeli te fanu niin, Baptist Kohhranah a lawi a ni. A kalsan tak a chhungte Lalpan vengin awmpui mawlh rawh se.