ZALEN October 3, 2024 : Petrol man tihsan leh Kawng chhiat chhuanlama Sumo fare tih to chungchangah zalen.in chuan mipui ngaihdan (opinion poll) a la a, zalen website poll-ah hian mi 5000 chuangin ngaihdan an thawh a, Petrol leh kawng chhiat chhuanlama Sumo fare tihsan awm hi lo an tam zawk.

Petrol leh kawng chhiat chhuanlama Sumo fare tih to chungchangah awm tih leh tih loh zawhna zawh a ni a, Ngaihdan nei lo te tan pawh poll-ah hian vote thlak theihna a awm bawk. Sumo fare tih to awm ti lo hi 58.1 % an ni a, awm ti 33.3% an awm a, Ngaihdan nei lo 8.6% an ni.

Oil tihpun avang hian Sumo association nuar te pawh an awm a, Mizoram sawrkar chuan kumin 3.08.2024 atang khan Petrol leh Diesel man an tisâng a, hei mai bakah hian Kawng chhia chu rate tihsan chhan chhuanlam pakhat a ni bawk.

Mizoram Truck Owners’ Association (MTOA) chuan oil man tihhniam a nih loh chuan buhfai an phur chhunzawm reng thei dawn lo niin thuchhuah an lo siam tawh. Truck neitute chuan tun hnaia diesel man punna chu Rs.8/- dawn niin an sawi.