Tun lai lengzem singer lar ber ber - Feli Fanai, Zaii Hauchhum leh Michelle Varte te chuan zanin dar 8:00pm hian music video thar an tichhuak dawn. An hla thar tur hi 'Ka tan i mawi' tih a ni a, Feli Fanai official YouTube channel-ah en theih a ni ang.  

Feli Fanai, Zaii Hauchhum leh Michelle Varte te hi Mizoram University festival 'Virthli 2022' ah khan an lo perform ho tawh a, ngaihhlut an hlawh hle a nih kha. An music video thar tur pawh hian boruak a rawn nei leh hat dawn a, ngaihthlak man hla tur tak pawh a ni ang. 

Top artist vek an ni a, an thiam dan pawh a inang lo hlawm viau - chung miten music video an siam chu tunge en chak lo awm ang? An music video hi a pui viau dawn tih teaser atangin a lang bawk a, video siamtu hi BS Pictures a nih avangin mit leh beng a tlai hle dawn.  

Hla thar an tihchuah tur chungchangah hian thuchhuah siamin, "He video hi chanel dangah post chhawn phal a nilo a, lyrics video pawh a neitute phalna la hmasa lova siam phal a ni lo. A tilui an awm chuan action lak a ni ang," tiin an tarlang a, an hla zah sak turin an ngen.