DOWNLOAD OUR APP

Read latest news on your phone
app-store

Zanin MSL Chawnpui vs Tuikual South; Season thara MSL khel tur Khatla South Barons leh LB Associates

Jun 22, 2022

Mizoram Super League khelh mekah zanin hian Chawnpui BC leh Tuikual South te an inkhel dawn a, he inkhelh hi Tuikual South tan Play in khelh tura an zinkawngah a pawimawh dawn hle a ni. Hetihlai hian MBBA Division 1 Screening Tournament 2022 khelh zawh takah season thar a MSL khelin team hnih an tling.

Mizoram Super League khelh mekah zanin hian Chawnpui BC leh Tuikual South te an inkhel dawn a, he inkhelh hi Tuikual South tan Play in khelh tura an zinkawngah a pawimawh dawn hle a ni. Hetihlai hian MBBA Division 1 Screening Tournament 2022 khelh zawh takah season thar a MSL khelin team hnih an tling. 

Zanin dar 8:30 hian MSL khelh mek a tum hnih chak tawh lo Tuikual South leh chak la nei lo Chawnpui te inkhel tur hi, Chawnpui BC tan chakin awmzia a nei lutuk tawh loh laiin team hneh nei lova MSL tluan thak chu an duh bikin a rinawm loh. Chutih rualin, Zarkawt BCA hnehtu Tuikual South hian vawi 4 khel tawhin vawi hnih an chak tawh a, chak loh tum hnih neiin point 6 an nei mek thung. Play in khel turin chak an mamawh em em avangin inkhel hi a hmuhnawmin a rinawm.

Club pariat inelna MBBA Division 1 chu nimin khan khelh zawh a ni a, final-a in tum team pahnih Khatla South Barons leh LB Associates ten season thar MSL an khel ang. He tournament-ah hian club pariat chu vawi khat theuh inkhel chhuakin a sang pali ten Play In system (A sang pahnih leh a hniam pahnih an intum a, a hniam pahniha chak zawkin a sang pahniha chaklo zawk an tum leh) in final lut tur an zawng a ni. Team riat zinga a hniam pahnih VMS Kulikawn leh Kanan Basketball Club te chu season thar atan division 2 lamah an tlathla bawk. 

MBBA division 1 screening final result

L.B Associates Bungkawn vs Khatla Barons

Qtr Score :
1st         : 16 - 24
2nd        : 13 - 14
3rd         : 16 - 27
4th         : 25 - 26
FINAL     : 70 - 91

Share now