India rama football league sang ber Indian Premier League final chu zanin dar 7:30 hian Hyderabad leh Kerala Blaster ten Pandit Jawaharlal Nehru Stadium, Fatorda, Goa-ah an khel dawn a, a hmuhnawm ang. Tin, zanin zanlai vek hian La Liga club lian pahnih Barcelona leh Real Mardrid ten El Clasico an khel dawn bawk. Messi leh Ronaldo awm tawh lo mah se El Clasico a la nih miau vangin en loh phal chi a ni chuang lo.
   

Team tha tak tak lo tukzal tawhtu leh semi-final a Jamshedpur FC ngamtu Kerala Blaster hian champion nomawi hum haw tumin an rawn thawk chhuak ngei dawn a, mahse player nei tha leh sum ngah semi-final-a ATK Mohun Bagan hnehtu Hyderabad team hi an khawng tha leh hle dawn a, chak lo tura dah ngawt chi an ni bik lo. Inhnehtawk hle tura ngaih an ni.  
   

Hyderabad FC hian table-a pahnihna niin  league phase hnihna an khar thei a, chutihlaiin, Kerala Blasters hi knockout chin khel phak turin table-ah pali na an ni phak tawk thung. 
Ronaldo leh Messi tel lohna El Clasico
   

Zanin zanlai dar 1:30 hian La Liga team ropui pahnih Real Madrid leh Barcelona ten El Clasico an khel dawn a, men tlang law law a fuh mai thei. 
   

Khelh 28 khelh-a point 66 nei thei Real hian tunah La Liga table hma an hruai mek a, chutihrualin an elpui ber thin Barcelona erawh khelh 27-ah point 51 chauh hmuin pathumnaah an awm mek. 
   

Barca hian an player hlui Xavi hnuaiah hma an sawn a, an khel a hmuhnawm chho hle bawk. Real-in tun hnaia chetha tak Karim Benzema an nei thunga an inbei tawk hlein a rinawm.