Mizo Photographers' Society (MPS) ten Chakchar Kut denchhena Lady an thlan result chu zanin hian puan a ni dawn ta. Result puanna hi Vaivakawn Cultural Centre cum Auditoriaum-ah zan dar 8:00 ah neih a ni ang. 
  
Diktawn chuan Miss Chapchar Kut result hi an lo puang tawh a, MPS pawhin zanin hian a hmawr an bawk ang. Chapchar Kut Lady thlanna hi kum eng emaw chen chu an lo kalpui ve tawh a, ngaihhlut pawh a hlawh chho zel. Kut Lady atana an thlan chhuahte hi hriat hlawh tak tak an ni zui nawk a, sawinep chi a ni hauh lo. 

Chapchar Kut hmang tura Lammual-a kal khawmte atangin an thlang thin a, inkhung khawm aiah thla lak sak 'policy' an kalpui thung. Thla an lak sakte hi Mizo Photographer's Society Facebook page-ah an post a, chuta tang chuan a tha zual mi 10 an thlang chhuak a ni. 

Top 10 atang hian result hi buatsaih a ni a, zaninah engkim a chiang dawn e.