Hei zet chu Mizo film ngainatute tan thulawmawm a va ni chiang tak em - Papuia Pachuau channa 'Pa Hausa' film chu zanin dar 8pm hian Vanapa Hall-ah tlangzarh a ni dawn ta. 

Film hit tak tak - Ka Bialnu, Driver Kima leh Brother Zova te lo siamtu In-House Production kut chhuak hi en a man hla leh viau dawn a, Papuia fan te tan phei chuan hmaih phal chi a ni lo ang! Sangsangi nen an chang dun tih kha lo hre tel bawk ila. 

Papuia hi Tlau Entertainment buatsaih Mizo Film Award 2021-ah khan Best Actor atan thlan a ni a, a phu zia hretute kan ni. Pa Hausa 'Ka aim in life' film-ah pawh hian mipui mit fukna a ni leh dawn a, a lakah beiseina a sang hle. 

Papuia hi In-House Production kutchhuak 'Driver Kima' film-ah khan hnehsawh takin a inlan a, he film hlawhtlin theih nana mi pawimawh tak a ni. 'Brother Zova' film-ah pawh a inlan a, tun tumah pawh hian In-House Production te nen an thawkho leh a ni. 

Sangsangi pawh hi mipui mit fukna tur a ni dawn a, a rawn lar chho a nih pawhin a mak lo ang. A hmuna premiere ngei en duh tan Vanapa Hall pan mai tur a ni a, a hmunah ticket lei tur a awm dawn - a hmuna kal remchang lo tan pawh Lersia Play App lamah en theihin a awm bawk ang.