Territorial SAY Council buatsaih short film insiam siak result chu zanin hian Booth Mansion Conference Hall, Temple-ah puan a ni dawn. He intihsiak hi India Eastern Territory huam chhunga Corps leh Society hrang hranga SAY te tana buatsaih a ni. 

TSAY short film competition-ah hian Corps/Society 17 an tel a, a tam zawk hi Aizawl khawpui chhung Corps SAY te an ni - Aizawl pawn atangin paruk an tel bawk. Endik hna thawk tur hian mi pathum - Aldrin Zosangliana, Dawrpui Vengthar Corps, B. Lalbiakvela, Lunglei BCM, Malsawmtluanga, Khatla Presbyterian te ruat an ni. Endik hna hi thawh zawh tawh niin zaninah result puan a ni ang. 

Lawmman hi top 3 tan tha tawk tak siam a ni a, intihsiaknaa tel zawng zawngte hnenah participation prize pek vek an ni dawn bawk. Heng bakah hian mimal lawmman Best Script Writer, Best Actor, Best Actress, Best Director, Best Editing leh Best Videography te thlan a ni vawk ang.