Aizawl: July ni 7-9,2015 inkara Assembly Session neih turah Zirtawpni thleng khan zawhna Starred question 70 leh ziaka chhan chi unstarred question 30 a lut tawh a, hei bakah hian paper lay tur 6, official resolution 1 leh Bill pakhat 'The Mizoram Vehicle Taxation (Amendment) Bill, 2015 a lut tawh bawk. Speaker hova Bussiness Advisory Committee thukhawm in ruahmanna an siam dan chuan session tanni July ni 7 hian session neih kar laka boral, Chief Minister hlui Brig. T.Sailo leh Lalnghenga te sunna hun hman a ni ang a, hemi zawh hian Finance Minister Lalsawta'n thla 4 chhunga Mizoram sum hman tur ‘Vote on Account’ in a pharh ang a. July 8&9 ah te zawhna leh chhanna bakah sawrkar bill pawimawhte sawiho a, pass tum a ni ang.