ZALEN May 30, 2026 : Aizawl Traffic SP C. Vaanlalvena chuan thuchhuah siamin June ni 1, 2026 atangin Zebra Crossing kaihhnawiha dan bawhchhiate lakah na zawkin hma an lak tawh tur thu leh Dan bawhchhiate chu 'The Motor Vehicles (Amendment) Act, 2019 Section 177 & 184' angin hrem theih an nih thu a tarlang.

Aizawl khawpui hmun hrang hrangah mipui kea kalte him zawk nan leh traffic enkawlna a felfai theih zawk nan Zebra Crossing siam a ni a. 'The Motor Vehicles (Driving) Regulations, 2017 Rule No. 9 leh 22 (iv)'-in a sawi angin lirthei khalhtuten 'Zebra Crossing' thlen dawnin, fimkhur taka tlan muan a, kawng kan turte tana a hlauhawm leh hlauhawm loh enlawk thin tur a ni, a ti.

'Zebra Crossing-ah hian lirthei din phal a ni lova, hei hian traffic jam laia din pawh huam vekin pick & drop te, bungrua load leh unload chhungte pawh a huam vek tih Traffic SP thuchhuah chuan a tarlang.

Kea kalte pawh kawng kan dawna fimkhur taka kawngpui enchiang hmasa thin turin a ngen bawk a ni.