Aizawl; Nimin khan Zemabawk YMA Hall-ah Branch YMA 7 hruaitute leh Disaster lama mawhphurtu ten Disaster Training an nei a, Disaster Management lama mithiam ten zirtirna an pe a ni. Disaster Management and Rehabilitation Department leh Central YMA tangkawpin Aizawl khawpui chhung YMA Branch 93 a Office Bearer leh YMA Branch tin a Disaster management Sub-Committee member te tana chhiatrupna lian tham alo thlen thulhah lo inbuaipui dan zirhona a kalpui mek a. Aizawl khawpui chhung Branch 93 te chu Group 11 ah thenin Inrinni apiangin he zirhona hi kalpui a ni a. Nimin hian Group 2-na Zemabawk Branch YMA Hall-ah Zemabawk Branch YMA a awm ho thin, tunah Branch 7 a inthendarh ta te pualin neih a ni. He zirhona hi J.Lalsailova, Treasurer CYMA in a kaihruai a, Mizorama chhiatna lo thleng thinte leh chung laka lo inven dan te, chhiatna alo thlen thulha sorkar inpuahchahna leh inkaihhruaina te, Insurance tih a thatna te, kham leh hmun remlo a hrui hmanga inchhanchhuah dan te Disaster & Rehabilitation department atangin zirtirna pek a ni.