ZALEN June 13, 2026 : Assam Rifles leh Directorate of Revenue Intelligence (DRI) tangkawp chuan ram dang atanga rawn lut cigarette chhep rel an awm tih thu an dawn bawhzuiin June 11, 2026 khan Zemabawk North, Aizawl-ah Cigarette tam tham tak, cheng vaibelchhe 11 chuang man nia chhut chu an man.

He dang lova tawhruk cigarette te hi Champhai lam atanga rawn kal niin man chawia luah Zemabawk-a In pakhatah hian an dap a, uluk taka he in hi dap a nih hnuah ram dang atanga dan lova lut cigarette tam tham tak hi man a ni.

Cigarette an man te hi cartons 467 leh carton tling tawh lo bawm hnih an ni a, an thil man te hi - Mond Silver (148 cartons), Mond Apple Green (142 cartons), Mond Super Strawberry (84 cartons), Oris Silver (66 cartons leh carton hawn tawh case 47), XSO Black Fruits (14 cartons) leh Patron (13 cartons leh carton hawn tawh case 45 awmna) te an ni. 

Heng an thil man cigarettes 46,88,400 te hi cheng 11,25,21,600/- (Rupees Eleven Crore Twenty-Five Lakh Twenty-One Thousand Six Hundred only) a chhut niin, hemi kaihhnawih-ah hian mi pakhat man a ni a, an thil man te hi chhui zui turin Directorate of Revenue Intelligence te chuan an la nghal a ni.