Hun rei tak chhung thawm an neih loh hnuah Zephyr Drama Club te chu an rawn inlar leh dawn ta - fiamthu khawvel boruak a 'hot' leh sawt dawn e. Fiamthu thiam hmingthang H. Rotluanga (Mapuia) kaihhruai Zephyr hian vawi tam mipui an lo chawk hlim tawh a, tunah pawh mipui lawm zawng an rawn chhawpchhuak leh dawn ta e.  

Zephyr Drama Club hian tun hma deuh khan Krismas dawn hnaiah stage drama an nei thin a, an show hian ngaihhlut a hlawh thin hle a nih kha. Kuminah pawh tun hmaa an lo tih thin tawh angin 'ROPUI KHAWP MAI' tih hmangin comeback show an nei leh dawn a, tun tumah erawh man chawia en ngai a ni tawh dawn. An show hi Runmawi App-ah mipui nawlpui en theih turin October 7 hian chhawpchhuah a ni dawn a, fiamthu ngainatute tan en hmaih chi a ni lo ang. 

App-a dah chhuah a nih hma hian October 1 zanah Dawrpui Multipurpose-ah live-in mi tlemte tan en theihin a awm dawn bawk - seat erawh a tam lo ang. Zephyr drama-a kan lo hmuh tawh thinte kha an inlan leh dawn a, hmelthar pawh hmuh tur an awm dawn. FTH channel lama mipui lawm hlawh em em Chhara leh midangte pawh kan hmu leh dawn a ni.