ZALEN Dec 12. 2024; Aizawl a No Tolerance Drive/Checking kalpui mekah lirthei sang chuang endik tawh niin, kumdang aiin dan bawhchhia man an tlem.

Ni 9.12.2024 (Thawhtanni) atang khan Aizawl khawpui hmun hrang hrangah driving license neilo lirthei khalh, insurance certificate nung lo lirthei khalh, Pollution Under Control Certificate (PUCC) nung lo bakah fitness certificate nei loa mipui leh bungraw phur lirthei service te leh lirthei kaihnawih dan bawhchhiatna hrang hrang avanga vanduaina thleng thei venna atan ‘No Tolerance Drive/ Checking’ kalpui a ni a.

 ‘No Tolerance Drive/Checking’ kalpui mekah hian lirthei sang chuang zet check tawh niin; lirthei khalhtuten dan zawm kawngah hma an sawn niin a lang. Checking kalpui a nih chinah document felfai loh avanga man ngai pawh mi 72 chauh an la awm.

Lirthei neitu/khalhtuten dan an zawm that avangin Aizawl traffic police chuan lawmthu an sawi a, man ngailo tura document leh licence te felfai taka nei theuh turin mipui te an ngen thar leh a ni.