Aizawl: Mizoramah ziak leh chhiar thiam 91.33% an awm niin tun hnaia tih chhuah thar Statistical Handbook of Mizoram ah tarlan a ni. Statistical Handbook of Mizoram 2016 tarlan danin Mizorama ziak leh chhiar thiam (kum 6 chin chung lam) 848,175 zinga 438,529 te chu mipa an ni a, a dang 409,646 chu hmeichhia an ni. Chhinchhiah danin mipa ziak leh chhiar thiam hi 93.35% a ni a, hmeichhia ziak leh chhiar thiam hi 89.27% an ni. Chhinchhiahnaah hian naupang kum 6 hnuai lam 168,531 te chu chhiar tel an ni ve lo a ni. Handbook tarlan danin ziak leh chhiar thiam hi Serchhip district ah an tam ber a, mipui cheng zata chhutin 97.91% chu ziak leh chhiar thiam an ni a, Aizawl district chuan a dawt a ni. Lawngtlai district chu ziak leh chhiar thei awm tlemna ber a ni a, district mipui atanga chhutin 65.88% chu ziak leh chhiar thiam anga tarlan a ni a, Mamit (84.93%) in a dawt a ni.