Zimbabwe skipper hlui Brendan Taylor chu drug leh match-fixing vangin kum thum leh a chanve cricket lama inhnamhnawi thei lo tura hrem a ni. 

Taylor chuan a thil tawn chu an blackmail vang nia sawiin cocaine hmanga an hrairuih hnuah thamna hi an pe niin a sawi. Taylor chuan US dollar 15,000 chu a lak ngei thu sawiin a pha hran lo. Mahse, match-fixing lam nen a pawisa lak chuan in zawmna a neih loh thu leh a inkaihhnawih lo niin a sawi bawk.

Kum 35 hi thla 5 chhung thil thlen dan kimchang sawifiahna hun pek niin cricket lamah chuan 2025, July thla-ah a let leh thei dawn chauh a ni. Chutih hunah chuan kum 39 a upa a ni tawh dawn a ni. 

Taylor hian Zimbabwe ram tan kum 17 zet khel tawhin captain hial te pawh alo ni  tawh thin a, test match 35, one-day international 205 leh Twenty20 45 ah te a inlan tawh a, county cricket-ah Nottinghamshire tan a khel thin bawk.