ZALEN December 3, 2025: : Chief Secretary of Mizoram Chairman-na hnuai ah 11th State Level NCORD Committee chuan vaihlo atanga thil siam chi hrang hrang, zu leh ruihhlo lak atanga School naupang te an fihlim theihna turin ngunthluk takin thu an ngaihtuah a. Zirna-In (Educational institution) awmna chheh velah heng vaihlo atanga thil siam chi hrang hrang meizial, Sikhar etc., te zawrh a khap tha a ti a.

Chuvangin Er. Lalhriatpuia, District Magistrate, Aizawl District chuan sikul naupang te, zuk leh hmuam leh taksa tana thil tha lo hrang hrang laka School naupangte an fihlim theih nan BNSS Section 163 in thuneihna a pek angin a hnuaia thupek hi a chhuah.

“Zirna-In awmna atanga yard 100 (300 ft) huamchhungah mi tumahin vaihlo atanga siam thil chi hrang hrang, meizial, Sikhar etc. bakah e-cigarette (Vape) an zuar in an hralh tur a ni lo”

He khapna thupek zawm lo a, zuar lui an awm a nih chuan BNS Section 223 hmangin an chungah hremna lek a ni ang. He thupek hi chhuah a nih atangin thia hnih (2 months) chhung a huam ang.

He thupek hi District Magistrate Seal a nemnghetin Dt. 02.12.2025 khan hming a ziah hnan.