ZALEN August 9, 2026: Mizoram Presbyterian Kohhran leh Baptist Church of Mizoram tangkawpten an buatsaih, Kristian Hla Bu chhut thar chu Zirtawpni chawhnu dar 1 hian Mission Veng Biak Inah Synod Moderator Rev. John Raldosanga’n Pathian hnenah a hlan/tlangzarh dawn.

ZALEN thudawn danin tuna hman mek KHB-ah hian hla 600 a awm mek a, heng zinga 20 paih niin a thar 70 belh a ni a, hla 650 a awm tawh dawn a ni.

Hla bua telh tharte hi tunhmaa KHB-a lo awm tawh te, Mizo Kristian Hla Thar bua hla thenkhat leh tunlai hla te an ni.

KHB hi a tum khatna atan bu nuai thum chhut phawt a ni a, a tul ang zela la chhut nawn zel tura ruahman a a ni. Hla bu thar hi a len zawng (size) chi thum siam a ni a. A man tlawm ber Rs 250 leh a to ber Rs 800 a ni ang.