October 13, 2023; MZP hqrs. Saitual chuan zirlai naupang dik lo tak a puh a, damdawiin a enkawl ngai khawp a kutthlak a ni chu na an tih thu leh kutthlaktu chu zirtirtu atangin bang ngei se an duh tih an sawi.

MZP hqrs. Saitualin vawiin a thuchhuah an siam a an tarlan danin, Govt. William Booth School Saitual zirtirtu Miss K. Lallawmsangi chuan a zirlai dik lo taka puhin, rilru leh taksaah nasa taka hliamin kut a thlak mai bakah thisen hial chhuahin, damdawiina inenkawl ngai hialin a awm.

He thil thleng hi MZP Hqrs. Saitual chuan a ngai thiam lo in na a ti hle a, Miss K. Lallawmsangi hi zirlaite hmakhua a ngaihtuahin zirlaite enkawl tlakah a ngai thei lova, he a zirtirtu nihna aṭang hian chawlin bang ngei se an ti.

Hei bakah hian an zirlai pui Class 8 zirlai chunga Miss K. Lallawmsangi'n mipat hmeichhiatna lam hawia a khawih nia dik lo taka a puhna leh kut hial inthlak a thlen tîr avangin zangnadawmna atan a inenkawlna senso zawng zawng tum turin an phut bawk

"Kan duhna leh kan phut angte a ngaipawimawh lo a nih chuan MZP Hqrs. Saitual chuan a tul angin hma a la ang," tiin an tarlang.