October 5, 2023; Govt. Higher Secondary School, Serchhip a zirlaite'n an school-a zirtirtu indaihloh avanga sawrkar nawr nana badge dum an bel hnuah, thu lawmawm an hmuhloh avangin vawiin atangin Class la loin school an kai.

Zirlai naupangte hian September ni 20 khan an school a zirtirtu dah belh phutin lungawi lohna an lantir tawh a, an beisei ang an hmuh loh avangin tunkar Thawhlehni atang khan badge dum an bel a ni.

Hetiang a hma an la chung pawh a an beisei an an hmuh loh zel avangin, vawiin atangin class la loin school an kal a, naktuk ah an chhunzawm ang. Hei hian awmzia a nei lo zel a nih chuan October ni 9, 2023 atangin an zirtirtute leh DEO office kai turte dangin, a tuk October ni 10 atangin kawngzawh an huaihawt ang.