ZALEN March 3, 2026: School education department changtu Dr. Vanlalthlana'n kum 2024 hnu lamah zirtirtu transfer travel allowance atan Rs. Nuai 166.21568 sen a nih tawh thu house a hrilh.

Vawiin assembly budget session zawhna leh chhanna huna Lt. Col. Clement Lalhmingthanga zawhna, 'Kum 2024 a Higher Secondary School zirtirtu transfer vak kha eng vang nge?' tih chu chhangin School education minister chuan, Aizawl leh Lunglei pawn a Higher Secondary zirtirtu indaihlohna lian tak a awm avangin hreh tak chunga sawn an nih thu a sawi.

Samagra Shiksha hnuaiah kumm 2024 chhung khan zirtirtu 18 transfer an nih thu pawh sawiin, heng zirtirtu transfer te hi zirtirtu bang ta te hmun ruakah transfer an rawn dil avangte leh mutual a transfer an rawn dil avangte a transfer an nih thu a sawi bawk.

School education minister in a tarlan danin, kum 2024 hnu lamah zirtirtu transfer travel allowance atan Rs. Nuai 166.21568 sen a ni tawh a, Higher Secondary school-ah Rs. Nuai 33.74520 sen a ni a, High School-ah Rs. Nuai 61.99258 , Middle School ah Rs. Nuai 33.24820 leh Primary school-ah Rs. Nuai 37.22910 sen a ni.

#ZalenNews