Aizawl; ZNP Thalai chuan Borapansury-a MZP chawlhbuk sak tum chungchangah Chakma-te an pawngpawrh ngam chu an ngaithiam lo hle tih sawiin ‘foregner Chakma te hi mikhual awmdan tur zirtir an ngai niin ZNP Thalai chuan a hria a ni,’ an ti. Nimina thuchhuah an siamah ZNP Thalai chuan Aizawl Hunthar venga Chakma House a Chakma zirlai te’n office an nei chu a ngaimawh hle tih sawiin insaseng turin an ti a. Borapansury-a MZP in Zofate chawlhbuk an sakna tur hmuna signboard an tar, MZP phalna lova tute’n emaw an lo senghawi anih chuan Aizawl Hunthar Venga Chakma House signboard pawh an senghawi ve mai dawn niin an sawi bawk. Inrinnia Central YMA thuneitu sang CEC thukhawm pawhin Borapansury khuaa Mizo Zirlai Pawl (MZP) hmalakna dodaltute chu an dem tih an sawi a. Mizoram chhung ngeia chibil anga hmun hma hauh bik chu tha lo an tih thu sawiin hemi chungchang hi Sub-Hqrs. YMA te nen la sawiho an tum tih an sawi a n i.