February 23, 2024; Mizoram Legislative Assembly 9-na kal mek-ah thutkhawm vawi hnih neih a ni tawh a, hengah te hian Hrangturzo bialtu Lalmuanpuia Punte, MLA chu Mizo thuam inbel in a la tel zel.

Lalmuanpuia Punte hi Adviser to Chief Minister (Political) ni mekin, MLA a nih hma atanga ZORO ah te, MZP leh pawl dang dangah te lo inhmang tawh a ni a, khawvel hmun hrang hrang a Zohnahthlak te insuihkhawmna lam a ke pen nasa leh chumi lam a thahnemngai chu a ni.

Assembly term kal mek-ah thutkhawm vawi hnihna a kal mek a, sawrkar thar pian hlim, nikum December a Assembly thutkhawm vawi khatna ah pawh khan Mizo thuam inbelin house rorelna ah a lo tel tawh a, tun budget session kal mekah pawh chu chu a la chhunzawm a, Mizo thuam nen a la inlan zel.