Zaithiam thlanna Zofa Lelte 2022 chu Zirtawpni zan khan zawhfel a ni ta a, Manipur nula Zenngaihsang chu pakhatna niin Rs. 3,00,000 a dawng. Pahihna chu Angeli Lalruatpuii, Chhingchhip a ni a, Sonia Lamngaihchin, Manipur chu pathumna a ni. 

Grand Finale hi Vaivakawn Auditorium-ah neih a ni a, judge te zai ngaihthlak a ni. Judge zingah hian Mizo zaithiam chhuanvawr Vanlalsailova leh H. Vanlalhlimpuii (Hlimhlimi) te pawh an tel a, grand finale-ah pawh hian an zai tha hle. Judge te zai zawh hnu hian Top 10 te an rawn ding chhuak a, mipa leh hmeichhia a huhoin an zai ve leh bawk a ni. 

Result puan zui a ni a, top 10 atang hian pakhatna atanga pathumna thlan chhuah an ni. Zo hnahthlak hmun hrang hrang atanga tel zingah Manipur atanga tel te an che tha ber a, an langsar ber bawk. Manipur atang hian - Zenngaihsang chu pakhatna niin, Sonia Lamngaihchin chu pathumna a ni. Manipur nula ten lawmman hlu tak an hawn a, Chhingchhip lamin Angeli Lalruatpuii hmangin lawmman pahnihna an hawn ve bawk. 

ZOFA LELTE 2022 RESULT
1. Zenngaihsang, Manipur
2. Angeli Lalruatpuii, Chhingchhip
3. Sonia Lamngaihchin, Manipur