Aizawl June 30, 2024 : Zoliana Royte (Director retired SYS) Hockey tournament final nimina zawh takah hmeichhe lamah Thenzawl Venghlun branch an champion a, mipa lamah Thenzawl Vengthlang branch an champion thung.

Hmeichhe final-ah hian Thenzawl Venghlun branch leh Thenzawl Field Veng branch te an inhmachhawn a, he inkhelah hian hun pangai-ah 4-4 in an inhnehtawk a, 8 seconds-ah (football-a penalty an tih ang chi hi) Venghlun hi 4-2 in an chak ta zawk a, league a an hneh loh Field Veng lakah phuba an la.

Mipa final-ah Thenzawl Vengthlang branch chuan 2-1 in Thenzawl Field Veng an hneh a, champion nomawi an chawi. Mipa leh hmeichhe lamah Field Veng hian final lut mahse, final-ah a vanduai zawkah an tang ta ve ve a ni.

Tun tum tournament-ah hian mipa lamah K. Lalmuansanga, Field veng chu best player atan thlan a ni a, hmeichhe lamah F. Vanlalhriatlawmin, Venghlun chu thlan a ni. Best Goalkeeper-ah Laramdinga, Vengthlang leh Rochanhlui, Venghlun te thlan an ni.