Aizawl June 28, 2024 : Aizawl District Hockey Association leh Thenzawl Hockey Assocition te buatsaih Thenzawl Hockey Ground-a khelh mek Zoliana Royte (Retd Director SYS) Memorial Hockey Tournament-ah nimin khan Hmeichhe inelnaah Venghlun leh Field Veng te an chak.

He tournament-ah hian Mipa team 6 leh hmeichhe team li an tel a, Thenzawl-a Branch YMA ten an khelh a ni. Vawiina inkhelah hian Venghlun chuan 5-2 in Bazar Veng an hnen a, he match-ah hian Sawmzeli, Bazar veng chu Player of the Match-ah thlan a ni. Bazar Veng hian nimin inkhelah Vengthlang chu 7-4 in an lo hneh tawh bawk a ni.

Inkhel hnung zawkah Field Veng chuan Vengthlang chu 4-3 in an hneh a, Player of the Match atan B. Lalrinpuii, Field Veng chu thlan a ni. Field Veng hian nimin inkhelah Venghlun chu 3-2 in an lo hneh tawh bawk.

Vawiin Mipa inkhelah Baktawg-in 3-1 in Venghlun, Thenzawl an hneh a, player of the match chu PC Lalbiakliana a ni

Nimina Mipa inkhel-ah Vengthlang chuan 6-5 in Field Veng an hneh a, Bazar Veng chuan Venghlun chu 8-4 zetin an hneh bawk a ni.

Zoliana Royte (Retd Director SYS) Memorial Hockey Tournament hi Zoliana Royte hmalakna-a a din Thenzawl Hockey Ground leh Kawnpui Hockey Ground bakah LPS Arena, Falkland-ah te khelh a ni dawn a, Thenzawl-a khelh mek hi a hmasaber niin Kawnpui lamah khelh leh a ni ang a, LPS Arena-ah hian khelh a ni bawk ang. LPS Arena hi 5-a side-a khel tur a ni.