November 27, 2023; Mizo tlawmngaihna a la nung reng a, lungngaite leh mamawhtute tana 'awm' thin Mizo society kan la ni tih pawh he thu post atang hian a fiah nawn leh e...

A huho a nunho na-ah, duh dan leh kalphung inan loh vangtein insel chang leh inhnial changte, kan Mizo society hi a hnungtawlh a ni tih rum rum changte awm thin mahse, a tak takah chuan 'Zonun' hian nghet takin min la phuarkhawm a, harsatna hmunah chuan kan 'chipui' te mai nilo, 'chipui lo' te tan pawh a tlanchhe lo a ding thin kan ni tih hi a chiang leh thin !

Kan society ah induhkhawp lohna te a awm thin a, awm tur pawh a ni, Zonun in a phuarkhawm 'Zofate' hi mi famkim kan ni bik tlat lo!

Mahse, 'a saseh' chin leh a tul hunah chuan midangte ngaihsaktu leh mamawh chhanna nih duh Zofate kan ni a, kan ni reng bawk ang!

Kan panna lai te, kan chak lohna laite, hnam dangte aia hniam bik nia kan inhriatna te hi 'in diriamna' hmanrua ah hmang mai loin, 'darthlalang' ah hmang zawk ila, hnam inhmangaih, inngaihsak leh intanpui tawn thin kan nihna hi 'uanpui' silo a, chawivul zelin, hmalam min pantir tu lo ni zel rawh se...!