Aizawl: PRISM Party President Vanlalruata chuan, “Pi leh puten Tualvungi ko thiam zawn nachang an hria angin, Zoram tluchhe mek laka chhan chhuak thei tur Politician zawn nachang i hria ang u,” tiin mipui a sawm.   Nimin khan PRISM Party chuan Aizawl khawpuiah street campaign nei chhunzawmin Thakthing, Mission veng, Khatla, Tuikual leh Treasury Square-ah te hun an hmang a, hengah te hian thu sawiin PRISM President chuan sawrkar inrelbawlna dik loh vanga mipui tana sum indaih lohna awm chhoh dante, eirukna thlah zalen leh hrem ngam loh avanga Zoram mipui tawrhna te leh thuneihna hman sual avanga mipui rahbeh kan nihna laka chhanchhuah a ngai nia sawiin eiru lo ngam, Pathian tih mi, Kohhran leh a thlangtu mipuite zah derna chang hria Mizoramin a mamawh niin a sawi bawk. &&&