Aizawl: New Life Charity Society (NELICS) chuan rilru hrisel chu ram hmasawnna anih avangin Mizoram mipui ten ngai pawimawh se an duh tih an sawi. Nimin khan Aizawl Press Club ah chanchinbumite kawmin NELICS chairman Zawmsanga Sailo chuan Mizote mamawh ber chu rilru hrisel (mental health) nia a hriat thu a sawi a. Mizote chu hnam naupangte kan la nih vangin kan nuna thil lo thleng hmachhawn dan pawh kan thiamlo nia sawiin hemi enkawlna tha ber chu rilru hrisel a ni tiin, "Mental health a kan ram a harh hunah chuan Pathian thu pawh hi a nihna ang takin kan kalpui thei tawh dawn a ni," a ti a. Kohhran pawhin mental health chu ngai pawimawh se a duh tih a sawi bawk.