April 13, 2024; Zoram Pum Pavalai intawhkhawm E.Lungdar a neih chu nizan atang khan tan a ni.

Nizan khan Synod Moderator Rev. R. Vanlalnghakan thuchah a sawi a, vawiin chawhmaah Rev. R.C. Lalnghakliana, Revival Director-in thuchah a sawi ang a, chawhnuah zaikhawmpui neih a ni ang a, zanah Rev. R. Lalnuntluanga, committee member-in thuchah a sawi ang. Intawhkhawm chhung hian inkhawm apiangin zaipawl a awm thin dawn a. Mizoram Synod Choir bakah Bial leh Kohhran hrang hrang Pavalai Zaipawl te an zai thin dawn a ni.

Intawhkhawm thupui ‘A chhe lai siamthatu’ tih chu speaker, Rev. C. Zorammawia, Senior Executive Secretary-in Pathianni chawhma, chawhnu leh zan inkhawmah a sawi ang.

Ram pum huap Kohhran Pavalai Pawl Intawhkhawm vawi 6-na Pandal-a neih hi a tum khatna a ni a, Kohhran Pavalai Pawl hi Synod Revival Deptartment-in a enkawl a ni.

Nizan dar 9:40 thlenga intawhkhawm palai kal in report mi 4810 an ni a, a hnua thleng bakah vawiin inrinni lam atanga kal tum engemaw zat an awm bawk.