Praise On star Zorinsanga Sailo leh R. Lalrinmawii te music video thar 'Thu chauh sawi la' tih chu vawiin chawhnu hian Synod Moderator Rev. C. Chawnghmingliana'n a tlangzarh dawn. 

He hla hi Aizawl Municipal Corporator Pi C. Lalchhandami phuah a ni a, a hla phuah hmasak ber a ni nghe nghe. He a testemony hla hi Pu Lalzemawia chuan a thluk siamin, Zorina leh Arini te hian thiam takin an sa (duet) ta a ni. 

Recording hi HC Recording kutchhuak a ni a, video hmuhnawm tak hi Hmingtea, Milestone Picture siam sak a ni bawk. Arini zaithiam zia sawi nawn a ngai lo, 

Praise On 2016 ah khan pakhatna a ni. Zorina hi pahnihna a ni a, pathumna chu Cindy Lalthanpui a ni - an pathum hian music video te pawh an lo tichhuak tawh a nih kha.  

Arini leh Zorina te musc video thar hi zanin hian Zonet Zawlbuk-ah tihchhuah a ni ang a, YouTube lamah pawh en tur a awm thuai ang
.