ZALEN Nov. 21. 2025: Zo Re-Unification Organisation (ZORO) chuan Indo-Myanmar ramri hung tumna chu a hlawhtlin loh nan an dodal zel dawn tih an puang nawn.

Vawiin a Aizawl Press Club a thuthar thehdarhtute an kawmnaah he thu hi sawiin ZORO hruaitute chuan, sawrkar laipui, Ministry of Home Affairs chuan Indo - Myanmar inrinnaah daidanna bang (border fencing) siam tuma hma a la mek chu unau, thlahtu thuhmun, thisen inzawm Zofate thendarh tumnaah an ngai tih an puang a.

ZORO chuan ramri hung tumna hi tha lo an tih takzet avangin a hlawhtlin loh nan nasa takin an dodal zel dawn tih an puang nawn a, he thil dodal tur hian nasa taka ranrual a ngaih thu te, sawrkar leh NGO a an thawhpuite pawh border fencing dodal tur hian ZORO chuan thinlung takin a sawm nawn leh tih an sawi bawk.

#ZalenNews