ZALEN Jan 22, 2026: Ranglong Young Association (RYA) buatsaih Ranglong Khohui Festival vawi 9-na chu Seisimdung (Indurail) Panisagar N Tripura-ah neih mek a ni a. Zaninah a tiak ang. 

He hun hi Zo Reunification Organisation (ZoRO) General Headquarters hruaituten ten an hmanpui a. An pawl aiawhin Chinkhanmanga Thomte General Secretary hoin ZoRO Thalai OB 3 te an kal. 

ZoRO aiawhin General Secretary Tv. Chinkhanmanga Thomte chhuan nizanah thu sawiin; “Zofate hi ram hrang hrangah thendarhin kan awm a. India ramah pawh state hrang hrangah kan awm darh bawk a. Kan awmna theuhah kan insuihkhawm a, kan tanho loh chuan nek chep kan ni dawn a. Chimral kan ni dawn. Chu chu Tripura Zofaten a takin in tawng mek a ni” a ti a. “Chimral kan nih loh nan, hnam anga khawvel hriat kan nih theih nan, kan survive nan, Insuihkhawm kan mamawh. Chu chu kan damdawi leh ralthuam neih that ber leh awmchhun a ni, a ti bawk.

Khohui festival hi, ZORO bakah MZP ten an hmanpui a. Lalmuanpuia Punte Adviser to Chief Minister leh Dr. Lorrain Lalpekliana Chinzah Adviser to Chief Minister Govt. of Mizoram ten khuallian niin an hmanpui bawk. 

#ZalenNews