ZALEN December 20, 2025: Zo Reunification Organisation (ZORO) General Headquarters Aizawl chuan, tun hnaia Ultimate Fighting Championship (UFC) 323 Flyweight Champion Joshua Van Bawi Thawng (Joshua Van) hnenah lawmpuina thuziak leh tawlhloh puan a hlan.

Joshua Van tuna Texas USA a khawsa mek chuan, December ni 9 khan UFC 323 Flyweight-ah hnehna changin a champion a. Asia khawmualpui a piang zingah hetiang dinhmun a ding thei hmasa ber leh, UFC Flyweight champion thei naupang ber dawttu a ni mek a. ZORO chuan hetiang dinhmun a ding thei Zofate zingah kan awm hi a lawmpuiin, a chhuang takzet a. Lawmpuina thuziak leh hnungtawlh lo a, hmalam pan zel tura a duh tih lantir nan Tawlhloh puan a hlan a ni. 

ZORO chuan a ma puala hun hmanna, Indianapolis-ah heng thilpekte hi a hlan a. ZORO aiawhin Dr. Ro Dinga ZORO Consultant-in a hlan a ni. 

ZORO chuan, khawvel hmun hrang hranga cheng Zofate kan inpumkhat nan leh kan insuihkhawm theih nan ke a penin, hma a la mek zel a. Khawvel pum huapa hlawhtlinna chang leh hriat hlawh kan awmte hian Zofate min chawimawiin min ti hmingtha hleah a ngai a. Zofate ti hmingthaa, tawngsang zel turin Zofa hnam hrang hrang thalaite a fuih nghal a ni.