ZALEN August 26, 2026: ZPM General Headquarters Executive Committee Meeting vawi 8-na chu vawiin khan Vanapa Hall-ah neih a ni a. ZPM Elected Office Bearers (EOB) thar tur hi a ruata ruat ni se tih lungrual taka pawm tlan a ni.

ZPM General Headquarters Elected Office Bearers (EOB) ni laite term hi a tawp dawn tawh a, term thar hi inthlan tur nge tur loh an buk hnuah inthlang lovin, in ruat hi an ti tlu a, OB thar tur ruattu tur atana Val Upa Council (VUC) te kuta dah rawtna chu Executive Committee Meeting hian a pawm a. EOB thar ruat turin Val Upa Council (VUC) hian phungbawm sawm se, tiin lungrual takin an pawm a ni.

July ni 16, 2026-a ZPM Danpui 'amendment' chuan ZPM Gen. Hqrs. Elected Office Bearers hi President, Senior Vice-President, Vice-President leh Treasurer pakhat ṭheuh an ni ang tiin a lo pawm tawh a. September ni 29, 2026-ah R. Dengthuama Hall, Mualpui-ah General Assembly nei turin ruahmanna an lo siam tawh bawk a ni.