ZALEN August 12, 2026 : Niminah khan Mizoram ZPM Block Presidents Intawkkhawm chuan Chief Minister Lalduhoma tawlhlohpuan an bahtir.

Block Presidents kal khawmte chuan CM hoa Mizoram Kohhran Hruaitu Committee (MKHC) leh Council of Churches in Mizoram (CCM) ten Foreign Contribution (Regulation) Amendment Bill, 2026 an duh loh lantirna atana Union Home Minister hnena Joint Memorandum an thehluh leh an dawr dan te an hriat avangin lawmawm an ti tih thu an sawi a.

NDA sawrkarin alo ngaih pawimawh thu an hriatin lawmawm an tih thu an sawi bawk. Mizoram an rawn let hnu pawha Chief Minister hnenah Joint Parliamentary Committee-a ngaihtuah atan rawtna thlen turin an la ti zel chu Mizoram Chief Minister an ngaih pawimawhzia tilangah an ngai.

Kristiante thlavang hauh a ngaih huna huaisen taka ding thin Chief Minister Lalduhoma chu kan chhuang hle a, hnungtawlh lova ke pen zel turin kan duh tih lantir nan tawlhlohpuan kan bahtir bawk ani an ti..