Aizawl March 29, 2023 : Vawiina neih Lunglei Municipal Council Election atana candidate te sum senso dan endikna chu nizan khan neih zawh a ni a, vawithum endik a nih hnuah ZPM chu party anga sum seng hnem ber an ni.

Nimin khan Accounts & Treasury Department chuan a vawithumna atan endikna hna hi kalpuiin Accounts & Treasury Department officer Vanlalrosiam Ralte chuan Ward I- Ward VI endikin Audit & Accounts Officer PC Lalrammuanpuia chuan Ward VII-XI a endik thung. Endikna atanga a landanin ZPM in Rs 4,87,292/- an seng a, MNF in Rs 4,77,625/-, INC in Rs 4,22,466/- leh BJP in Rs 1,69,390/- an seng a ni. 

Candidates zinga campaign nan a sum seng tam ber chu INC Candidate Elizabeth Vaninmawii, Ward no VIII (8) a ni a, Cheng 87,530 a seng, Ward no VIII (8) MNF candidate C Lalrindik-i'n Rs 73175 sengin a dawt a, Ward no IX ZPM candidate Zorinsanga Hmar in Cheng 71620 sengin a dawt a ni.

Candidates zinga campaign nan a seng tlem ber chu BJP Lalmuanpuii, Ward V (5) na a ni a, campaign nan Rs 6,840 a hmang.