August 2, 2023; ZPM in an candidate an thlak Jimmy Laltlanmawi'n thlak a nihna lawm takin a pawm tih a sawi a, Dr. B. Lalramzauva erawh a ngaihdan hre turin ZALEN chuan a be pawp thei rih lo.

ZPM Nomination Committee niminpiah a thukhawm chuan Official-a candidate an puan tawh mi 2 an thlak a, Serlui biala ding tura puan tawh Jimmy Laltlanmawia chu C Lalthanfela hmangin an thlak a, Champhai North biala ding tura puan tawh Dr. B Lalramzauva chu Er. Ginzalala hmangin thlak a ni bawk.

Jimmy Laltlanmawia chuan ZALEN zawhna chhangin, a damlohna avanga an hotu ten remruatna thar an siam chu lawm takin a pawm tih a sawi a, vuivaina engmah a nei lo tih sawiin, an party tha tihchakna zawk turah a ngai tih a sawi.

Hetihlai hian Sr. B. Lalramzauva erawh he thu ziahlai tukin thlengin ZALEN chuan a be pawp thei rih lo a, hemi vang hian, engangin nge thlak a nihna a pawm dan tih chiang taka hriat theih a ni rih lo.