ZALEN October 21, 2024 : MNF Senior Vice President chuan ZPM chu pawl 5/6 vel inthlungkhawm an ni a, tun sawrkar ang hi Mizoram-ah a la piang ngai lo a, Congress leh MNF chu party malin an sawrkar thin a, party an nghet hle a, ZPM chu an nghet ve thei tak tak lo niin a sawi.

Dr. Thangtea chuan, "Min enchhin rawh u' an tih avangin mipuiin ZPM kha enchhin an chak a, kan han enchhin ta a, thla 10 an sawrkar chhung hian mipui rin ang an ni lo hle a, min enchhin rawh u titute hian enchhin an dawl lo tan hle a, rei an kal hi a rinawm loh a ni," a ti.

"Ration card vara laten a let thawka man tovin an la a, AMC area-ah chauh a man to a la turin an insawi a, mahse, thingtlangah pawh a man to vekin an la leh si, oil man a to a, kawng a chhe em em a, sawrkar hnathawk chungah an inluling hle a, mipui beng a thlep tan khawp mai," a ti bawk.

MNF Senior Vice President, Dr.R.Lalthangliana chuan vawiin khan Dt.05.11.2024-a Sinlung Hills Council inthlanna lo awm turah Sailutar, Sawleng, New Vervek, Sakawrdai, Tinghmun, Zohmun, Lungsum leh Ratu khuate tlawhin campaign beihpui a thlak a.

MNF Senior Vice President chuan Local Council 84 awmah 74 velah an sawrkar mek a, nakum lawka VC leh LC inthlan turah khian tun boruak kal mek thlirin an sorkar leh ngei dawn niin a lang a ti a, Sinlung Hills Council inthlanah hian MNF an sawrkar ngei a tul niin a sawi bawk.