Aizawl: Nimin zing dar 7 khan Aizawl East-I ZPM South Block Office thar chu Zemabawk Venglai Bazar-ah Tangrual Pawl General Secretary K.Sapdanga'n a hawng. Office hawn zawha thu sawiin K.Sapdanga chuan, “Kum 30 kalta chhunga ram rorelna luah chhawk tura kan mi thlan chhuah thinte hi mi pangngai reng an la ni a, a tira an fel nen, eng hna pawh hi ngaiah an nei zo tawh a, hmasawnnain a tuar ta a ni,” a ti a. “Kumin kumtawpa inthlan hunah ngaia neih leh tur nge kan thlan dawn rilru thar pu tih mipuiin kan buk dawn a ni,” a ti. Thu sawitu Vanneihtluanga chuan, “Mizoram mipuiin ram rorelna hun hlui kalsanin hun thar chuankai kan duh tih a lang tawh a, hun thara min hruai thleng turin ram roreltu atan hmel thar kan dap a, kan mi duh takte hi kan hmu mek niin a hriat a, ram rorel dan kalphung tha zawk te, hmasawnna hna chak zawkte kan beisei ang a taka hmu turin kan tanrual a ngai ta a ni,” a ti.