November 2, 2023; ZPM Working President K. Sapdanga'n an party dawt a puh an nih chungchangah Chief Judicial Magistrate (CJM) ah complaint an thehlut tih a sawi.

Vawiin Aizawl Press Club a thuthar thehdarhtute a kawmna ah he thu hi sawiin, K. Sapdanga chuan, mi rilru tihliam thei zawnga mi tute emawin dawt phuahchawp a, ZPM chu Meitei BJP hnen atanga pawisa vbc. 15 lai dawng tawh ni awm leh, vbc. 20 dang dawng leh tur ni awmin thu an lo phuahchawp niin a sawi.

Hemi chungchang ah hian Cyber Crime lam a an zualko na chu hnar a ni tih sawiin pawi an tih thu leh, hemi chungchangah hian vawiin ah CJM ah complaint an thehlut leh niin a sawi.

"BJP Meitei ho sapatal vanga kan unaute tawrhna rapthlak tak hi a hmun a tlawh awm tak a ngaih, tlawh lo awmchhunte chu Pu Modi-a leh Pu Zoramthanga te deuh chauh an ni tawh awm e. Pathian leh mipui zarah ZPM hi a lo sawrkar ve hlauh a nih chuan, Manipur a kan unaute hian Mizoram sawrkar hotute hmel an hmu thuai ang," K. Sapdanga chuan a ti bawk.